Бекорон ба кор ҷалб гардиданд

Темурмалик, 26 сентябр. (АМИТ «Ховар», Сулаймон Холов).- Бино ба иттилои сардори шӯъбаи Агентии давлатии ҳифзи иҷтимоӣ, шуғли аҳолӣ ва муҳоҷирати ноҳияи Темурмалик Файзиддин Нуров дар 8 моҳи соли ҷорӣ ба шӯъбаи Агентии давлатии ҳифзи иҷтимоӣ, шуғли аҳолӣ ва муҳоҷирати ноҳия 1505 нафар шаҳрвандон муроҷиат намуданд, ки 569 нафари онҳоро занон ташкил медиҳанд. Аз муроҷиаткардагон 724 нафар, аз ҷумла 344 нафар зан чун бекор ба қайд гирифта шуда, ба 272 нафар шаҳрванд, аз ҷумла ба 156 нафар зан мақоми бекорӣ дода шуда, ба 28 нафари онҳо кӯмакпулӣ таъин карда шуд.