Офатҳои табиӣ ба иқтисодиёт зарар меоранд

Душанбе, 26 сентябр. (АМИТ «Ховар», Назир Назиров). – «Мувофиқи арзёбии байналмилалии коршиносон 80 фоизи зарари ба иқтисодиёт расонидашуда ба офатҳои табиӣ рост меояд. Ба ҳисобгирӣ ва пешгӯии ҳолатҳои табии гидрометерологӣ сатҳу ҳаҷми таъсири манфии онҳоро коҳиш дода, имкон медиҳанд, ки зарари онҳо ҷилавгирӣ ё кам карда шавад. Чун 93 фоизи хоки Ҷумҳурии Тоҷикистонро кӯҳсор ташкил дода ва қисми зиёди он беш аз 3000 метр баландтар аз сатҳи баҳр воқеъ аст, бояд ба ҳодисаҳои фаромадани тарма, сар задании сел ва лабрез шудани кӯлҳои яхбаста аҳамияти зиёд дода шавад», — гуфт ба хабарнигори АМИТ «Ховар» сардори шӯъбаи муҳофизат аз фуруди тармаи Агентии обуҳавосанҷии назди Вазорати ҳолатҳои фавқулоддаи Қирғизистон Михаил Борисов, ки дар кори конфронси байналмилалии Душанбе оид ба масъалаи тағйир ёфтани иқлим иштирок дошт. Михаил Борисов зикр намуд, ки барои коҳиш додани зарари сел, тарма ва ярч бояд дар бахши обуҳавосанҷии мубодилаи иттилоот намуда, дар бораи ҳолати пиряхҳо ва кӯлҳои лабрезшаванда ба якдигар хабар дода шавад.