Зуҳури муносибатҳои байналхалқӣ

Душанбе, 26 сентябр. (АМИТ «Ховар», Сангзода Муслиҳиддин).- «Муқаддимаи фанни равобити байналмилал»- таҳти чунин унвон китоби нав ба нашр расид, ки он ба қалами Холмаҳмад Самиев ва Темур Муҳиддинов, устодони факултаи муносибатҳои байналхалқии Донишгоҳи миллии Тоҷикистон тааллуқ дорад. Бино ба гуфти муаллифон, китоби мазкур барои донишҷӯёни ихтисосҳои муносибатҳои байналхалқӣ, сиёсатшиносӣ ва минтақашиносӣ таҳия шудааст. Донишҷӯён тавассути омӯзиши ин китоб дар бораи муносибатҳои байналхалқӣ, марҳилаи зуҳур ва ташаккули он аз замони бунёди ҷомеаҳои аввалин то имрӯз маълумот пайдо менамоянд.