6 миллион сомонӣ барои фаъолияти соҳибкорӣ

Душанбе, 14 октябр.(АМИТ «Ховар», Марзия Саидова).-Дар заминаи нишондодҳои Барномаи махсуси аз ҳисоби маблағҳои бозгаштшуда ва ба ин самт ҷудогардида ба 2 ҳазору 500 нафар шаҳрвандони бекор дар ҳаҷми беш аз 6 миллион сомонӣ қарзҳои имтиёзнок барои пешбурди фаъолияти соҳибкорӣ пардохт гардид, ки дар қиёс ба ҳамин давраи соли гузашта беш аз ду миллион сомонӣ  зиёд аст.Хусусан, аз ҷониби раёсат ва шӯъбаҳои Агентии давлатии ҳифзи иҷтимоӣ, шуғли аҳолӣ ва муҳоҷират дар Вилояти Мухтори Кӯҳистони Бадахшон беш аз 500 нафар, Суғду Хатлон беш аз 600 нафарӣ, ноҳияҳои тобеъи марказ наздики 600 ва шаҳри Душанбе ба 123 нафар шаҳрвандони бекор барои рушди соҳаҳои гуногуни соҳибкорӣ қарзҳои хурди  имтиёзнок дода шудааст.Бояд зикр кард, ки самти фаъолияти соҳибкории шаҳрвандон дар ҷумҳурӣ асосан ба соҳаҳои истеҳсолот, тиҷорат ва хизматрасонӣ ба аҳолӣ нигаронида шудааст. Дар мавриди  дастгирии ташаббуси занону ҷавонон низ аҳамияти махусус зоҳир карда мешавад. Масалан, танҳо дар 9 моҳи соли равон ба зиёда аз 1000 нафар занон ва қариб 900 нафар ҷавонон қарзҳои хурди имтиёзнок дода шудааст.