Пешбинии маблағҳои зарурӣ

Душанбе, 26 октябр. (АМИТ «Ховар», Лаззат Диловарзод).- Қабули Қонуни ҶТ «Дар бораи суғуртаи ҳатмии нафақавии касбӣ»    ғамхории   органи қонунбарори давлатӣ дар ҳаққи нафақахӯрон мебошад.Тибқи шарҳу тавзеҳи вазири меҳнат ва ҳифзи иҷтимоии  аҳолӣ Маҳмадамин Маҳмадаминов, бо қабули лоиҳаи қонуни мазкур корфармоён вазифадоранд  барои кормандоне, ки дар корҳои дорои шароити махсуси меҳнат ва намудҳои алоҳидаи фаъолияти касбӣ кор мекунанд, аз ҳисоби маблағҳои худ суғуртаи ҳатмии нафақавии  касбӣ пардохт намоянд. Маблағи пардохтшуда дар суратҳисоби инфиродии корманд ҷамъ шуда, танҳо ҳангоми ба синни ниҳоии нафақа расидан   ӯ ба гирифтани нафақаи касбӣ ҳуқуқ пайдо мекунад. Сипас ба нафақахӯр аз ҳамин ҳисоб нафақаи касбӣ таъин ва пардохт карда мешавад.Ба гуфти вазир, лоиҳаи Қонун «Дар бораи суғуртаи ҳатмии нафақавии касбӣ» бо Вазорати молияи ҷумҳурӣ  мувофиқа шудааст ва ҳангоми таҳияи буҷати соли 2013 бо ин мақсад ҷудо намудани маблағҳои зарурӣ пешбинӣ мешавад.