Се китоб аз зиндагиномаи Ширин Бунёд

Хоруғ, 17 декабр. (АМИТ «Ховар», Л.Додо ). – Китобҳои тозаэҷоди «Васлҳои дилҳо», «Вассофи Ваҳдат» ва «Нома дар барги ҳавас» ба ифтихори таҷлили 70 — умин солгарди Шоири мардумии Ҷумҳурии Тоҷикистон Ширин Бунёд аз рӯи чоп баромаданд. Мавзӯи асосии ин китобҳо иборат аз тасвири ҳаёту эҷодиёти шоири шаҳир ва таҳлили шеърҳои то ин дам чопнашудаи ӯ мебошад. Дар остонаи таҷлили 70 – умин солгарди зодрӯзи шоири саршиноси тоҷик дар ин китобҳои нав аз ҳаёту фаъолият ва эҷодиёти Ширин Бунёд муфассал нақл карда мешавад.