Тайёрӣ ба маросими Ҳаҷ-2012 оғоз ёфт

Душанбе, 27 феврал. (АМИТ «Ховар», Дилшодаи Хайруллоҳ).– Дар Кумитаи оид ба корҳои дини назди Ҳукумати Чумҳурии Точикистон ҷаласаи васеъи ҳайати мушовараи кумита баргузор гардид.Дар ҷаласа аъзои ҳайати мушовара доир ба масъалаҳои муҳими самти фаъолияти кумита ибрози назар намуданд. Раиси кумита А.Холиқов ҷаласаи мазкурро ифтитоҳ намуд ва муовинони ӯ доир ба фаъолияти бахшу шӯъбаҳои дин дар шаҳру навоҳии вилоятҳои Хатлон, Суғд, ноҳияҳои тобеи марказ ва шаҳри Душанбе сухан гуфтанд. Дар гузориш бо назардошти дастовардҳо ва комёбиҳои бахшу шӯъбаҳои дин дар шаҳру вилоятҳо дар ду моҳи сипаригардида ҳамчунин ба камбудиҳо ва норасоиҳоиҷойдошта ишора гардид. Дар ҷаласаи мазкур ҳамчунин масоили марбут ба омодагӣ ба маросими Ҳаҷ-2012, татбиқи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», қонунҳои Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва «Дар бораи озодии виҷдон ва иттиҳодияҳои динӣ» мавриди баррасӣ қарор гирифт.