Афзоиши савдои чакана

Душанбе, 24 апрел. (АМИТ «Ховар», Лаззат Диловарзод).- Бино ба маълумоти Агентии antiepileptic-meds.com Президенти ҷумҳурӣ, дар моҳҳои январ-марти соли 2012 ҳаҷми гардиши савдо, таъмири автомобилҳо, молҳои маишӣ ва ашёҳои истифодаи шахсӣ нисбат ба ҳамин давраи соли 2011 ба андозаи 18,6 фоиз ё ба маблағи 440,5 млн. сомонӣ зиёд шудааст. Дар ин давра гардиши савдои чакана 17,5 фоиз афзудааст. Ҳаҷми умумии гардиши моли чаканаи бозорҳо ва дигар сохторҳои тиҷоратӣ дар давоми се моҳи аввали соли ҷорӣ ба 2 млрд. 112,6 ҳазор сомонӣ расонида шудааст. Аз он ҷумла дар бозорҳои озукаворӣ, ашё ва молҳои омехтаи ҷумҳурӣ ба маблағи 1 млрд. 168 млн. сомонӣ мол фурӯхта шудааст. Дар ин давра ҳамчунин ба маблағи 213,1 млн. сомонӣ чорвои зинда, 59,5 млн.сомонӣ автомобилҳои боркаш ва сабукрав, 233,2 млн. сомонӣ маҳсулоти нафтӣ ва ба маблағи 438,8 млн. сомонӣ дигар молҳо ба фурӯш рафт.