Татбиқи қарори Ҳукумати ҷумҳурӣ

Душанбе, 7 май. (АМИТ «Ховар», Лаззат Диловарзод).- Дар Шӯрои адлия бо иштироки роҳбарият ва раиси Кумитаи ҷавонон, варзиш ва саёҳии назди Ҳукумати Ҷумҳурии Тоҷикистон Маликшоҳ Неъматов, раисон, судяҳои суди шаҳри Душанбе ва ноҳияҳои он, судяҳои коромӯз ва кормандони дастгоҳи Шӯрои адлияи ҷумҳурӣ толори варзишӣ мавриди баҳрабардорӣ қарор ёфт. Бояд ёдовар шуд, ки ҷиҳати иҷрои бандҳои 5,15,16 нақшаи чорабиниҳо оид ба дастуру супоришҳои Президенти кишвар Эмомалӣ Раҳмон, ки зимни мулоқот бо варзишгарони кишвар 20 декабри соли 2010 баён шудаанд ва Қарори Ҳукумати мамлакат таҳти рақами 278 аз 2 июни соли 2011 дар бораи тасдиқи Барномаи маҷмӯи рушди тарбияи ҷисмонӣ ва варзиш, ба истифода додани ин толори нави варзишӣ барои рушди соҳа миёни кормандони суди шаҳри Душанбе тӯҳфаи арзанда хоҳад буд. Раиси Шӯрои адлия Зафар Азизов дар маросими ҳамоиш иброз дошт, ки баҳри иҷроиши дастуру супоришҳои Сарвари давлат сардорони раёсату шӯъбаҳои Шӯроли адлия дар вилоятҳо, раисони судҳои ҷумҳурӣ вазифадор гардидаанд, ки ташкили чунин толор ва майдончаҳои варзиширо бо мақсади рушди тарзи ҳаёти солим ба роҳ монанд.Раиси Кумитаи ҷавонон, варзиш ва саёҳии назди Ҳукумати Ҷумҳурии Тоҷикистон Маликшо Неъматов иброз дошт, ки кушоиши чунин майдончаҳои варзишӣ нафақат ба солимии ҷавонони варзишгар, балки ба рушду пешрафти тафаккури онҳо низ мусоидат хоҳад намуд.