Омодагӣ ба соли нави таҳсил

Бадахшон, 18 август. (АМИТ «Ховар», Л. Додо).-Омодагии муассисаҳои таълимии шаҳри Хоруғ ба соли нави таҳсили 2012-2013 ва нақши омӯзгорон дар таълиму тарбияи насли наврас- чунин буданд масъалаҳои асосие, ки дар машварати навбатии кормандони соҳаи маорифи шаҳри Хоруғ муҳокима шуданд. Мудири шӯъбаи маорифи шаҳри Хоруғ Бибигул Ҷумъева дар барои омодагии муассисаҳои таълимӣ ба соли нави хониш гуфт, ки то ба имрӯз 90 дарсади макотиби таҳсилоти ҳамагонии шаҳр комилан таъмир гардида, омодаи қабули хонандагон мебошад. Барои таъмиру тармими бинои мактабҳо мақомоти маҳаллии ҳокимияти давлатии вилоят 25 ҳазор сомонӣ ҷудо намудааст.