Ҳунарманди машҳури рус ба Тоҷикистон меояд
Душанбе, 6 август. (АМИТ «Ховар», Мавҷуда Анварӣ). – 21 сентябри соли ҷорӣ соати 17:30 дар толори консертии Донишкадаи давлатии санъати Тоҷикистон ба номи М. Турсунзода барномаи ҳунарии арғунуннавози хизматнишондода ва ходими санъати Русия, ҳунарманди Филармонияи давлатии Олтой Сергей Михайлович Буткеев ва дигар ходимони фарҳангии Русия баргузор мегардад. Дар ин бора сармутахассиси Вазорати фарҳанг Раҳматулло Раҳматуллоев ба хабарнигори АМИТ «Ховар» хабар дод.Тибқи иттилои манбаъ, ин барномаи ҳунарӣ бо мақсади рушди муносибатҳои фарҳангии Тоҷикистону Русия дар чаҳорчӯби маҷмӯи чорабиниҳое, ки ба 1150-умин солгарди давлатдории Русия бахшида шудаанд, гузаронида мешавад. Барнома бо ибтикори Муассисаи давлатии сафарию ҳунарии «Базморо»-и Вазорати фарҳанги кишвар дар ҳамкорӣ бо намояндагии «Россотрудничество» дар Ҷумҳурии Тоҷикистон рӯи кор омадааст. Дар ҷараёни сафар мулоқоти ҳайат бо вазирони фарҳанг ва маорифи кишвар дар назар аст. Ёдовар мешавем, ки сафари ҳайат аз 19 то 22 сентябр сурат мегирад.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
