Мусобиқоти ҷашнии варзишӣ дар Мурғоб

Душанбе, 12 сентябр. (АМИТ «Ховар», Дилшодаи Хайрулло). – Аз 25 август то 10 сентябри соли равон бахшида ба 21- солагии Истиқлолияти давлатӣ, 20- солагии Иҷлосияи XVI-уми Шӯрои Олии Ҷумҳурии Тоҷикистон ва 80-умин солгарди таъсиси ноҳия Мурғоб бо ибтикори бахши ҷавонон, варзиш ва сайёҳии ноҳияи Мурғоб ва бо мақсади татбиқи сиёсати давлат дар бахши тарбияи ҷисмонӣ ва варзиш тибқи нақшаи чорабиниҳо миёни насли наврас ва ҷавони ҷомеа чорабиниҳои мухталифи варзишӣ, аз қабили волейбол, футбол, гӯштини миллӣ, дучархаронӣ (ба масофаи 5 км), арғамчинкашӣ (байни бонувон), вазнбардорӣ (16-24кг) доир гардиданд.Ғолибон ва ҷоизадорони чорабиниҳо бо ифтихорномаву тӯҳфаҳои арзишманди мақомоти иҷроияи маҳаллии ҳокимияти давлатии ноҳия ва бахши ҷавонон, варзиш ва сайёҳӣ қадрдонӣ шуданд.Хамзамон аз 24 то 28 сентябри соли равон дар ноҳия миёни ҷавонони 14-16 сола мусобиқаи варзиши сабук доир мегардад.