Таҷлили солгарди мактаб

Душанбе, 1 ноябр. (АМИТ «Ховар», Людмила Дубинина). – 31 октябр мактаби миёнаи таҳсилоти умумии рақами 6 – уми шаҳри Душанбе 15 – солагии таъсисёбиашро таҷлил намуд. Дар Тоҷикистон ин муассиса ба ҳайси мактаби дивизияи 201 – ум шинохта мешавад.Ба ифтихори солгарди мактаб чорабинии идона роҳандозӣ шуд, ки дар он ҳамаи ҳайати мактаб ва шогирдони он иштирок доштанд. Қумондони пойгоҳи низомии 201 – уми Федератсияи Русия дар Ҷумҳурии Тоҷикистон Сергей Рюмшин, Сафири Фавқулодда ва Мухтори Федератсияи Русия дар Тоҷикистон Юрий Попов, намояндаи Гурӯҳи ҳамкории сарҳадии Хадамоти федералии амният дар Тоҷикистон Фирӯз Аҳтамов, сардори ситоди асосии Қувваҳои Мусаллаҳи Ҷумҳурии Тоҷикистон Рамил Нодиров ва дигарон аҳли мактабро бо санаи фархунда муборакбод карданд.Сипас директори мактаб Мавлуда Турсунова меҳмононро хайра мақдам гуфта, аз таърихи мактаб ва имрӯзи он нақл кард. Баъди қисми ботантанаи маросим бо иштироки хонандагони мактаб консерти калон баргузор гардид.