Натиҷагирӣ аз фаъолияти мақомоти тафтишотии ВКД

Душанбе,24 декабр.(АМИТ «Ховар»,Фарзона Достонзода.)-Ҷаласаи мушовараи ВКД доир ба натиҷаҳои санҷиши нозиротии фаъолияти хизматии воҳидҳои тафтишотии мақомоти корҳои дохилии Ҷумҳурии Тоҷикистон,ки дар он вазири корҳои дохилӣ генерал-лейтенанти милитсия Рамазон Раҳимов, аъзои ҳайати мушовара ва сардорони раёсат ва шуъбаҳои Вазорати корҳои дохилии шаҳру ноҳияҳои ҷумҳурӣ иштирок намуданд ,22 декабр дар Душанбе баргузор гардид.Вазири корҳои дохилӣ зикр кард, ки воҳидҳои тафтишотии ҷузъу томҳои Вазорат «фаъолияти хизматии худро бояд бо истифода аз таҷрибаи пешқадами дигар мақомоти ҳифзи ҳуқуқи ҷумҳурӣ ва давлатҳои хориҷӣ, дар амал татбиқ намудани шаклу усулҳои илмии муосир, воситаҳои нави техникии криминалистӣ ба роҳ монанд, зеро танҳо дар ин ҳолат мо метавонем пешбурди сифатноки тафтишоти пешакиро таъмин намоем». Дар мушовара инчунин гузориш дар бораи норасоиҳое, ки ҷойдоштае, ки дар фаъолияти хизматии воҳидҳои тафтишотии мақомоти корҳои дохилии Ҷумҳурии Тоҷикистон зимни санҷиш ошкор шуданд, шунида ва барои ислоҳи онҳо аз ҷониби вазири корҳои дохилӣ дастуру супоришҳои мушаххас дода шуд.