Ҳамкории АУ ҶТ бо АУ Эстония ва Туркманистон
Душанбе, 10 январ. (АМИТ «Ховар», Кристина Эрлих).- Созишномаи ҳамкории байни Академияи улуми Тоҷикистон бо Академияҳои улуми Эстония ва Туркманистон дар бахши рушди фанҳои гуманитарӣ ва технологияҳо, ки соли 2012 ба имзо расид, дар соли фарорасида амалӣ мегардад. Дар ин бора 10 январ зимни нишасти матбуотӣ оид ба натиҷаҳои фаъолияти соли 2012 ноиби Президенти Академияи улуми Тоҷикистон Кароматулло Олимов ба хабарнигорон иттилоъ дод. К.Олимов зикр кард, ки тайи марҳилаи ҳисоботӣ ҳаҷми маблағҳои ғайрибуҷавие, ки ба муассисаҳои Академияи улуми Тоҷикистон дар шакли грант ворид гардидаанд, 615 ҳазору 200 долларро ташкил дод. Дар марҳилаи ҳисоботӣ аз ҷониби олимони тоҷик зиёда аз 900 кори илмӣ, аз ҷумла 111 китобу монография ва 800 мақолаи илмӣ нашр гардид. Ба ғайр аз ин, 8 патент барои ихтироъ, аз ҷумла 2 патент аз Ҷумҳурии Украина дарёфт гардид. Дар соли 2012 ба аспирантураи АУ ҶТ 97 нафар дохил шуд. Дар Шӯрои ҳимояи корҳои илмӣ зиёда аз 70 кори илмӣ, аз ҷумла 8 кори докторӣ ва 63 рисолаи номзадӣ таҳия шуд, ки аз онҳо 1 кори докторӣ ва 11 рисолаи номзадӣ насиби Академияи улуми Тоҷикистон гардид.
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Имрӯз дар водиҳои Тоҷикистон ҳаво 23 дараҷа гарм мешавад
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
