Теъдоди муштариёни интернет меафзояд

Душанбе, 21 феврал. (АМИТ «Ховар», Покиза Маҳмадбекова). — То имрӯз шумораи истифодабарандагони интернет дар Тоҷикистон 3 миллиону 700 нафарро ташкил медиҳад.Мувофиқи маълумоти Агентии омори назди Президенти ҶТ, тайи давраи гузашта дар ҷумҳурӣ 9 миллиону 300 ҳазор нафар муштариёни алоқаи мобилӣ ба кайд гирифта шудааст. Тибқи маълумоти таъҷилии Хадамоти алоқаи назди Ҳукумати Ҷумҳурии Тоҷикистон, аз рӯи натиҷаи соли 2012 даромад аз фаъолияти оператори миллии «Тоҷиктелеком» ва Корхонаи воҳиди давлатии «Почтаи тоҷик» 123 миллиону 400 ҳазор сомониро ташкил дод. Аз моҳи январ то моҳи декабри соли 2012 беш аз 13 миллиону 200 ҳазор фармоиш барои гуфтугӯи байналмилалии телефонӣ қабул шуд, ки нисбат ба ҳамин давраи соли гузашта 96, 7 фоизро ташкил медиҳад. Аз ҷумлаи шумораи умумии фармоишот 8,7 фоиз ба кишварҳои ИДМ ва 1,2 фоизи он ба кишварҳои хориҷи дур рост меояд.