Н.Алисов: «Фонд ба муҳоҷирони меҳнатӣ кӯмакҳои бебозгашт мерасонад»
Душанбе, 14 март. (АМИТ «Ховар», Ибодат Давлатова).-Аҳамияти пурзӯр намудани ҳамкориҳо дар самти муҳоҷирати меҳнатӣ имрӯз дар вохӯрии сардори Хадамоти муҳоҷирати назди ҲҶТ Сафиалло Девонаев бо директори генералии Фонди рушди ҳамбастагии байналмилалӣ «Добрососедство» Николай Алисов муҳокима гардид.Дар вохӯрии мазкур сардори Хадамоти муҳоҷират оид ба муҳоҷирати меҳнатӣ, ҳифзи манфиатҳои муҳоҷирон ва дар асоси қонун фаъолият намудани муҳоҷирони меҳнатӣ дар қаламрави Ҷумҳурии Тоҷикистон, ҳамзамон дар қаламрави Федератсияи Русия муҳим ва саривақтӣ хонд. Директори генералии Фонди рушди ҳамбастагиҳои байналмилалии «Добрососедство» ҳамзамон аъзои Шӯрои ҷамъиятии назди Хадамоти муҳоҷирати Федеролии Россия дар вилояти Маскав Николай Алисов иброз дошт, ки сарфи назар аз он ки Фонди мазкур ғайридавлатист, бевосита барои танзими раванди муҳоҷирати меҳнатӣ дар ҳудуди Федератсияи Русия бо ХМФ Русия ҳамкории зич дошта ва ба муҳоҷирони меҳнатӣ кӯмакҳои бебозгашт мерасонад. Мақсад аз омадани Н.Алисов ин ба имзо расонидани «Меморандум оид ба ҳамкориҳои дуҷониба байни ХМ назди ҲҶТ ва Фонди рушди ҳамбастагиҳои байналмилалии «Добрососедство» мебошад. Ҳангоми ба имзо расидани Меморандуми мазкур, баҳри таъмини ҳифзи ҳуқуқии муҳоҷирон, таъмини мубодилаи иттилооти доимӣ оид ба вазъи муҳоҷирон, доштани таҷриба дар ҳалли масъалаҳои муҳоҷират, таъмини ҳифзи ҳуқуқ ва иҷтимоии муҳоҷирон дар ҳудуди ФР ва муҳоҷирони ФР дар ҳудуди ҶТ ва дигар имкониятҳоро фароҳам меорад. Дар вохӯрӣ тарафҳо доир ба кушодани Намояндагии Фонди рушди ҳамбастагиҳои байналмилалии «Добрососедство» дар қаламрави Ҷумҳурии Тоҷикистон ба мувофиқа омаданд. Дар ин бора ба мухбири АМИТ «Ховар» аз Хадамоти муҳоҷират иттилоъ доданд.
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
