Ноболиғони ғоратгар

Душанбе, 19.03.2014. (АМИТ «Ховар», Муқаддас Темурзода).-Тавре ки сомонаи ВКД ҶТ хабар медиҳад, дар ноҳияи Шаҳринав пас аз шикояти шаҳрвандон оид ба далели ғоратгарӣ кормандони милитсия чор нафар ноболиғро ҳамчун гумонбар дастгир намуда, муайян карданд, ки ноболиғон Меҳроб Азимов, соли таваллудаш 1998, Фирдавс Хидиров, соли таваллудаш 2000, Собирҷон Нарзуллоев, соли таваллудаш 2001 ва Манзар Мирзошоев, соли таваллудаш 1997, сокинони ноҳияи Шаҳринав, дар бозори марказии ноҳия бо тариқи зӯроварӣ ва ошкоро аз ноболиғ Муҳаммад Шукуров, соли таваллудаш 1997 як адад телефони мобилии тамғаи «Сони Эриксон» ва дар истгоҳи нақлиётҳои мусофиркаши назди бозори «Сабо» аз шаҳрванд Умар Азимов, соли таваллудаш 1967, як адад телефони мобилии тамғаи «Нокиа»-ро тасарруф намуда, аз ҷойи ҳодиса ғайб задаанд. 
Нисбат ба далелҳои мазкур тафтиши пешакӣ идома дорад.