Ҷинояткорӣ ошкор мешавад

Душанбе, 11.04.2014. (АМИТ «Ховар», Муқаддас Темурзода).- Кормандони милитсия  сокини 28- солаи ноҳияи Ҳамадонӣ Зоиршо Қаландаровро ҳамчун гумонбар дар ғайриқонунӣ нигоҳ доштани маводи нашъадор дастгир намуданд.  
Тавре ки маркази матбуоти ВКД хабар медиҳад, дар дидбонгоҳи доимии «Сурхоб», воқеъ дар ҷамоати деҳоти Меҳнатобод, зимни азназаргузаронии мошини тамғаи «Opel — Vektra», ки ба номбурда тааллуқ дошт, 2 кг 500 грамм маводи нашъадори навъи афюн дарёфт ва мусодира шуд.
Аз рӯи ин ҳодиса парвандаи ҷиноӣ оғоз гардида, тафтиш идома дорад.