32 маротиба афзудани муроҷиат ба ХМ

 Душанбе, 17.04.2014. (АМИТ «Ховар», Лайло Тоирӣ).-  Агар дар давоми соли 2013 ба Бахши қабул ва маслиҳатдиҳии Хадамоти муҳоҷират  (ХМ) 825 нафар муроҷиат карда бошад, пас дар се моҳи аввали соли ҷорӣ шумораи муроҷиаткунандагон  26 ҳазору 900 нафарро ташкил дод, ки ин нишондод нисбат ба ҳамин давраи соли гузашта 32 маротиба зиёд мебошад. 
Аз ин шумора  24 ҳазору 257 нафар шифоҳӣ,  92 нафар хаттӣ, ва  2 ҳазору 551 нафар аз тариқи телефони боварӣ муроҷиат кардааст.  
Бино ба маълумоти шуъбаи робита бо ҷомеаи хадамоти мазкур дар давраи ҳисоботӣ ҳангоми санҷиш ошкор гардид, ки барои 1 ҳазору 343 нафар шаҳрванди кишвар ворид гардидан ба Федератсияи Русия манъ шудааст. 
Илова бар ин Хадамоти муҳоҷират дар рўзҳои наздик оид ба тағйиру иловаҳо ба қонунгузории нави Русия дар моҳи январи соли 2014 буклетҳоро таҳти унвони «Навовариҳо дар қонунгузории  Федератсияи Русия» ва «Нововведения в миграционном законодательстве Российской Федерации», ки аз 1 январи соли 2014 мавриди амал қарор дода шудаанд, бо забонҳои тоҷикӣ ва русӣ бо теъдоди 100 000 адад чоп намуда, байни муҳоҷирони меҳнатӣ  тақсим менамояд.