Дар Тоҷикистон имкониятҳои сиёсиву иқтисодӣ фароҳаманд

Душанбе, 26.06.2014. (АМИТ «Ховар», Лайло Тоирӣ).-«Миллати шарафманди тоҷик бори дигар ба ҷаҳониён собит намуд, ки дар ҳақиқат яке аз миллатҳои соҳибмаърифату мутамаддин ва хирадпешаву сулҳдӯст мебошад ва қодир аст, ки дар марҳалаҳои таърихиву тақдирсоз роҳи ҳалли осоиштаи мушкилотеро, ки ба миён омадаанд, пайдо намояд». Ин нукта имрӯз зимни ироаи Паёми табрикотии Президенти Тоҷикистон Эмомалӣ Раҳмон бахшида ба Ваҳдати миллӣ таъкид гардид. Аз баракати сулҳу ваҳдат мо имкон пайдо намудем, ки барои рушди ҳамаҷонибаи ҷомеа, густариши равандҳои демократӣ ва таъсиси институтҳои ҷомеаи шаҳрвандӣ шароити зарурӣ муҳайё созем.«Имрӯз мо метавонем дилпурона изҳор намоем, ки дар кишварамон барои рушди ҷомеаи шаҳрвандӣ на танҳо заминаҳои ҳуқуқӣ, балки ҳамаи имкониятҳои сиёсиву иқтисодӣ фароҳам оварда шудаанд», -иброз дошт Сарвари давлат.