Равнақи боғдорӣ дар Панҷакент

 Панҷакент, 3.06.2014. (АМИТ «Ховар», Гулбаҳори Худойбердӣ).- Боғу токпарварони шаҳри Панҷакент барои амалӣ гардонидани «Барномаи рушди минбаъдаи соҳаи боғу токпарварӣ дар ҷумҳурӣ барои солҳои 2005-2015» садоқатмандона меҳнат мекунанд.
    Тавре  ки саркишоварзи раёсати кишоварӣ Фахриддин Тилобов иброз дошт, феълан дар шаҳри Панҷакент 1700 хоҷагии боғу токпарварӣ мавҷуд буда, дар ихтиёри худ 501 гектар боғ ва 1169 гектар токзор доранд.  Кормандони соҳа азм доранд, ки имсол 5146 тонна мева ва 5100 тонна ангур ба даст оварда, пешкаши истеъмолкунандагон гардонанд. Бо ин мақсад дар хоҷагиҳо сари вақт корҳои агротехникӣ гузаронида мешаванд. Ҳоло дар ин ҷо  таҳти роҳбарии мутахассисон дарахтон аз шоху навдаҳои зиёдатию беҳосил тоза шуда, корҳои нарм кардани бехи дарахтон ва шудгори байни қаторҳо вусъат меёбанд.
    Дар ин бобат хоҷагиҳои деҳқонии «Роҳи абрешим», «Камар», «Ҳаёти нав», «Абдулло» ва «Лоиқ»  пешсафанд.