Шукуфоии Ватан аз Ваҳдат аст

Душанбе, 26.06.2014. (АМИТ «Ховар», Лайло Тоирӣ).- Дар Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон бахшида ба Рўзи Ваҳдати миллӣ бо иштироки кормандони дастгоҳи марказӣ ва сохторҳои таркибии он маҷлис доир гардид.Бино ба иттилои шуъбаи робита бо ҷомеаи хадамот, дар он сардори Сарраёсати муҳоҷирати меҳнатӣ Толибҷон Шарипов оид ба аҳамияти ин рўз ва таҷлили он дар саросари кишвар сухан гуфта, аз номи роҳбарияти Хадамоти муҳоҷират тамоми кормандонро бо ин санаи фархунда табрик намуд.Сардори шуъбаи робита бо ҷомеа Абдуллоҳи Қодирӣ оид ба асоси ҳастии ҳар халқу миллат, ки ваҳдат, ягонагӣ, сулҳ, ҳамдигарфаҳмӣ ва муттаҳидӣ аст, сухан кард. Зикр шуд. ки Тоҷикистони ҷавону соҳибистиқлоли мо дар партави парчами сулҳу ваҳдат ба сўйи ободӣ, шукуфоӣ, пешрафт, тараққиёт ва ояндаи дурахшон равона аст.