Мулоқоти Низомиддин Зоҳидӣ бо Алиризо Рашидиён
Душанбе, 12.11.2014 (АМИТ «Ховар»).- 11 ноябри соли 2014 мулоқоти муовини вазири корҳои хориҷии Ҷумҳурии Тоҷикистон Низомиддин Зоҳидӣ бо раиси вилояти Хуросони Разавии Ҷумҳурии Исломии Эрон Алиризо Рашидиён ва ҳайати ҳамроҳи ӯ баргузор гардид.Дар ҷараёни мулоқот масоили густариши ҳамкориҳои тиҷоратию иқтисодӣ, саноатӣ ва илмию фарҳангии вилояти Хуросони Эрон ва Ҷумҳурии Тоҷикистон мавриди баррасӣ қарор гирифтанд. Ҷонибҳо баргузории Намоишгоҳи байналхалқии саноатии Ҷумҳурии Исломии Эронро дар Душанбе аз 12 то 15 ноябри соли ҷорӣ ҳамчун омили муҳими таҳкиму тавсеаи робитаҳои гуногунҷабҳаи кишварҳои Тоҷикистону Эрон арзёбӣ намуданд.Алиризо Рашидиён алоқамандии зиёди бахши хусусӣ ва марказҳои илмию саноатии вилояти Хуросонро ҷиҳати татбиқи лоиҳаҳои муштараки Тоҷикистону Эрон дар соҳаҳои истихроҷи маъданҳо, сохтмон, интиқоли борҳо, таҳвили фанновариҳои навин ва дигар бахшҳои мутақобилан судманд таъкид кард.Дар мулоқот ҳамчунин дар атрофи дигар масоили ҳамкориҳои дуҷониба табодули назар сурат гирифт.
Имрӯз дар шаҳри Душанбе борон меборад
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
