ҲАТ номзади навбатиашро пешбарӣ кард

Душанбе, 6.01.2014 (АМИТ «Ховар»).- Моҳи январи соли 2015 дар ноҳияи Восеъ конфронси якҷояи бахшҳои дар ноҳияҳои Балҷувон, Темурмалик будаи Ҳизби аграрии Тоҷикистон баргузор гардид. Дар конфронс, ки дар он вакилони ҳизбӣ аз ин се ноҳия ширкат варзиданд, номзадии Зайниддин Сафаров ба Маҷлиси намояндагони Маҷлиси Олии Ҷумҳурии Тоҷикистон ба ҳавзаи Восеъ 39 пешбарӣ гардид. Се ноҳияи мазкур ба истиснои ду ҷамоати ноҳияи Восеъ ба ҳавзаи интихоботии №39 шомил буда, дар он зиёда аз 100 ҳазор интихобкунанда сукунат дорад. Ҳизби аграрии Тоҷикистон дар барномаи худ рушди деҳот ва кишоварзии ҷумҳуриро дар мадди аввал гузошта, онро асоси пешрафти иқтисодиёти ҷумҳурӣ ва баланд бардоштани сатҳи некуаҳволии мардуми кишвар, ки беш аз 74% дар деҳот зиндагӣ мекунанд, донистааст. Зайниддин Сафаров соли 2013 аз ҳавзаи Восеъ 39 вакили Маҷлиси намояндагони Маҷлиси Олии Ҷумҳурии Тоҷикистон интихоб гардида, то ҳол фаъолият менамояд.