Суғд: иҷрои барномаи боғу токпарварӣ-103%

Хуҷанд, 12.01.2015. (АМИТ “Ховар”, Абдуаҳад Шарифзода).-Дар вилояти Суғд соли сипаригашта иҷрои “Барномаи бунёди боғу токзори нав” ба миқдори 103,1% иҷро гашт. 
Тавре ки ба  АМИТ “Ховар” аз Сарраёсати идораи кишоварзии вилоят иттилоъ доданд, соли 2014 дар миқёси вилоят дар майдони 3063 гектар боғу токзори нав, аз ҷумла дар 2845 гектар боғи нав ва дар 218 гектар токзори нав бунёд гардид. 
Инчунин дар ин замина алъон дар вилоят  дар майдони 12 гектар зинабоғҳо низ бунёд шудаанд, ки мувофиқи  дурнамо барои ташкили ин гуна боғ дар мавзеи Сомғор бо роҳи қатрагӣ аз тариқи бунёди пойгоҳи обкашӣ ва кашидани хати обрасонӣ ба масофаи 13,5 км афзоиши майдони чунин боғҳо дар назар аст.