Хатлон: Таҷлили 70-солагии Ғалаба бар фашизм

Душанбе, 29. 04. 2015. (АМИТ «Ховар», Мавҷуда Анварӣ).- Ҷашни 70-солагии Ғалаба дар Ҷанги Бузурги Ватании солҳои 1941-1945   9 май дар маркази вилояти Хатлон шаҳри Қӯрғонтеппа ва шаҳру ноҳияҳои вилояти Хатлон ботантана таҷлил мешавад.
Мувофиқи нақшаи чорабиниҳои мақомоти иҷроияи ҳокимияти давлатии вилояти Хатлон аз 1 то 9 майи соли ҷорӣ эълон намудани ҳафтаи поси хотири шаҳидон ва иштирокчиёни Ҷанги Бузурги Ватании солҳои 1941-1945, расонидани кумакҳои моддию молиявӣ ба собиқадорони Ҷанги Бузурги Ватанӣ, гулгузориҳо дар пояи муҷассамаи Исмоили Сомонӣ, майдони 60-солагии  Ғалаба, Оташи абадӣ ва майдони Аскари номаълум, инчунин консерти идона бахшида ба таҷлили  70-солагии  Ғалаба дар Ҷанги Бузурги Ватанӣ дар толори Боғи фарҳангии шаҳри Қӯрғонтеппа пешбинӣ шудааст.