Оғози курси ФИФА оид ба идорадорӣ ва менеҷментӣ дар Тоҷикистон
Душанбе, 08.07.2015,(АМИТ «Ховар» Меҳрони Қурбон).-Дирӯз дар Академияи футболи клуби “Истиқлол”, воқеъ дар шаҳраки Алмосии ноҳияи Ҳисор курси байналмилалии ФИФА оид ба идорадорӣ ва менеҷментӣ оғоз шуд. Дар курс роҳбарону мутахассисони шуъбаҳои Федератсияи футболи Тоҷикистон ва намояндагони федератсияҳои футболи минтақавӣ — Душанбе, Хатлон, Суғд, Рашт ва ВМКБ ширкат доранд.
Роҳбарии курсро афсари идораи рушди ФИФА дар Деҳлӣ Нодар Ахалкатсе ба уҳда дорад. Нодар Ахалкатсе писари собиқ мураббии машҳури “Динамо”-и Тбилиси ва тими мунтахаби ИҶШС Нодар Ахалкатсе мебошад. Нодар Ахалкатсеи хурдӣ таҷрибаи бои роҳбарии сохтори футболиро дошта, замоне Федератсияи футболи Гурҷистонро сарварӣ мекард.
Зимни ифтитоҳи курс директори шуъбаи техникии Федератсияи футболи Тоҷикистон Шавкат Аҳмедов гуфт, ки: “Пеш аз ҳама мехоҳам аз номи роҳбарияти Федератсияи футболи Тоҷикистон ва аҳли кормандонаш меҳмон ва дӯсти азизи мо, намояндаи ФИФА Нодар Нодарович Ахалкатсеро, ки бо мақсади баланд бардоштани дараҷаи касбияти мутахассисони тоҷик ба ин ҷо омадааст, самимона хайра мақдам гӯям. Ба Федератсияи байналмилалии футбол низ барои дар Тоҷикистон баргузор кардани чунин курсҳои муфид изҳори миннатдорӣ мекунам. Бовар дорам, ки кормандони мо дар курси идорадорӣ ва менеҷментии ФИФА иштирок намуда, таҷрибаи касбии худро зиёд мекунанд”.
Бояд зикр кард, ки намояндаи ФИФА Нодар Ахалкатсе иштирокчиёни курсро бо барномаи курс шинос кард.
ИСТИФОДАИ САМАРАНОКИ ЗАМИН. Сокини Ҷамоати деҳоти Деҳқонободи ноҳияи Дӯстӣ аз як замин се навъи маҳсулот ҷамъоварӣ мекунад
Дар Тоҷикистон мусобиқаи «МегаФон Life дар сабки футбол» анҷом ёфт
Имрӯз дар шаҳри Душанбе ҳаво то 39 дараҷа гарм мешавад
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
