Мусобиқаҳои варзишӣ бо иштироки наврасон ҷамбаст гардид

Душанбе, 10.08.2015. (АМИТ “Ховар”). — Рӯзҳои 5-9-уми августи соли равон бо ташаббуси ВКД ва дастгирии САҲА дар дараи Ромит бо иштироки 70 нафар кӯдакону варзишгарони навраси Шӯрои ҷумҳуриявии «Динамо» машғулиятҳои варзишӣ баргузор гардид. Машғулиятҳо таҳти шиори «Варзиш — зидди нашъамандӣ» барпо шуда, дар фазои дӯстию шодии кӯдакону наврасон ба анҷом расид.
“Ба дастаҳои ғолиб ва варзишгарони алоҳидае, ки ҷойҳои сазоворро соҳиб гардиданд, аз ҷониби Вазорати корҳои дохилӣ Ҷом, диплом, медалу ифтихорнома ва тӯҳфаҳои хотиравӣ тақдим карда шуд, — гуфт корманди масъули ВКД Хисрав Солиҳов.