Футбол: Ҷоми Осиё дар Душанбе

Душанбе, 02.10.2015 (АМИТ «Ховар»). Имрӯз дар Варзишгоҳи марказии пойтахт мусобиқаи футболбозон  барои дарёфти роҳхат ба бозиҳои интихобии Ҷоми Осиё дар гурӯҳи «F»  бо ширкати дастаҳои мунтахаби то 19- солаи Тоҷикистон, Баҳрайн, Ироқ ва Малдив оғоз меёбад. Сараввал дар соати 15:00 дастаҳои Баҳрайн ва  Малдив бо ҳам қувва меозмоянд. Тими мунтахаби Тоҷикистон дар аввалин вохӯрӣ бо яке аз дастаҳои пурқуввати гурӯҳ -дастаи мунтахаби Ироқ дар соати 18:00  вориди рақобат мешавад. Дар ин поя Федератсияи футболи Тоҷикистон вуруди мухлисонро  ба варзишгоҳ бепул эълон кардааст. Ба варзишгоҳ оеду футболбозони ҷавони кишварро дастгирӣ кунед.