Рӯзҳои фарҳанги Беларус дар Тоҷикистон оғоз шуданд
Душанбе, 15.10.2015. (АМИТ «Ховар»). — Аз 15 то 18 октябр дар шаҳри Душанбе Рӯзҳои фарҳанги Беларус доир мешаванд. Барои иштирок дар ин чорабинии фарҳангӣ имрӯз ба Тоҷикистон ҳайати намояндагони Беларус иборат аз 37 нафар бо роҳбарии муовини вазири фарҳанги Ҷумҳурии Беларус Васили Черник ба Тоҷикистон омаданд.
Тавре ки аз Вазорати фарҳанги Ҷумҳурии Тоҷикистон хабар доданд,
16 октябр дар шаҳри Душанбе мулоқоти вазири фарҳанги Ҷумҳурии Тоҷикистон Шамсиддин Орумбекзода бо ҳамтои беларусаш Борис Светлов доир мегардад. Аз рӯи натиҷаҳои мулоқот баргузории нишасти матбуотӣ дар назар аст. Ифтитоҳи расмии рӯзҳои фарҳангӣ дар ин рӯз сурат мегирад.
Дар чаҳорчӯби рӯзҳои фарҳангӣ намоиши филмҳои беларусӣ ба нақша гирифта шудааст. Дар назар аст, ки филмҳои бадеии «Қалъаи Брест» ва «Нақшҳои мубаллиғон» намоиш дода шаванд. Ҳамчунин бинандагон метавонанд аз ҳунарнамоии ансамбли давлатии рақсии Беларус баҳра бурда, аз намоишгоҳи расмҳо дар бораи Беларус дидан кунанд.
17 октябр ҳайати Беларус дар шаҳри Турсунзода барномаи фарҳангӣ доир намуда, бо ангурзори ин шаҳр шинос мешаванд.
18 октябр намояндагони Ҷумҳурии Беларус бо маҷмааи «Кохи Наврӯз»-и шаҳри Душанбе шинос шуда, аз Осорхонаи миллии Тоҷикистон боздид менамоянд.
Дар ин рӯз маросими пӯшидашавии Рӯзҳои фарҳанги Беларус дар Тоҷикистон барпо мешавад.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
