Дар Париж ҳамоиши иқлимии СММ оғоз ёфт

Душанбе, 30.11.15. (АМИТ «Ховар»). — Дар  пойтахти Фаронса ҳамоиши иқлимии СММ, ки дар он Президенти  Тоҷикистон  Эмомалӣ  Раҳмон,  ҳамчунин  роҳбарони  кишварҳои  дигар  иштирок  менамоянд,   ба   кораш  шурӯъ  кард.
Ин  чорабинӣ  як  рӯз  пештар  аз  мӯҳлати  пешбинишуда оғоз  меёбад,  то   кишварҳои  иштироккунандаи он  барои  муҳокимаи  ҳуҷҷатҳое, ки   бояд  аз  рӯи  натоиҷи  ҳамоиш  ба  имзо  расонида шаванд,  вақти  бештар  пайдо  намоянд.
Бисёр роҳбарони ҷаҳон ба  пойтахти  Фаронса  меоянд, ки  дар  байни онҳо  президенти  ФР  Владимир  Путин, канслери  Олмон  Ангела  Меркел,  президенти  Амрико Барак  Обама  ҳастанд. Президенти  Фаронса  Франсуа  Олланд  мизбони чорабинӣ  ба  шумор  меравад.  Дар  хамоиш ҷамъан 40  ҳазор  ҳайат,  журналистон,  мушоҳидон ва намояндагони   созмонҳои  ғайритиҷоратӣ   иштирок  менамоянд. 
Ҳадафи  расмии ҳамоиш  мубориза бо тағйири  иқлими  замин  аст. Тавре  ки  дабири  кулли СММ  Пан  Ги  Мун  хабар дод,  дар  робита  бо  ин, 166  кишваре, ки қариб  90  фоизи партовҳои  газии ҷаҳон  ба онҳо рост  меоянд, нақшаҳои миллии  фаъолияти  худро пешниҳод  намудаанд.