Абдураҳмон Қодирӣ соли 2016-ро «Соли фарди солим» эълон кард
![](https://khovar.tj/wp-content/uploads/2015/12/A.Kodiri.jpg)
Хуҷанд, 31.12.2015. (АМИТ «Ховар»). — Раиси вилояти Суғд Абдураҳмон Қодирӣ бо ирсоли паёми табрикие кулли сокинони вилояти Суғдро бахшида ба соли нави 2016 табрик гуфта, соли 2016-ро «Соли фарди солим» эълон кард.
Абдураҳмон Қодирӣ дар баробари зикри дастовардҳои дар соли 2015 ба даст омада, изҳори умед намуд, ки «Соли фарди солим» аҳли ҷомеаро бештару беҳтар ба тарғиби тамаддуни миллӣ, тарзи ҳаёти солим, фарҳанги диёрдорӣ ва накӯтарин хислатҳои инсонӣ ҳидоят менамояд.
Ҷои зикр аст, ки соли 2015 дар вилояти Суғд «Соли рушди фарҳанг ва гулҳо» ва соли 2014 «Соли роҳҳои обод» эълон гардида буд.