Комиссияи Иттиҳоди Аврупо аз Маркази таълимии АНМН дидан кард

Душанбе, 4.12.2015 (АМИТ «Ховар»).- Кори Комиссияи Иттиҳоди Аврупо аз 30 ноябр то 04 декабри соли 2015 дар Тоҷикистон давом ёфта, дар ин муддат бо мақсади санҷиши муҳиммият, самаранокӣ, таъсир ва устувории кумакҳои ИА дар муддати солҳои 2007-2014, инчунин барои муайян намудани ҳамкории минбаъда бо ҳамаи вазоратҳо, идораҳо ва мақомоти ҳифзи ҳуқуқи ҶТ ташриф меорад. Санҷиши мазкур аз ҷониби ИА ва ширкати олмонии “Particip GmbH”, ки аз 6 мушовир иборат мебошад, гузаронида мешавад.
1 декабр Комиссияи Аврупо бо мақсади санҷиши муҳим будани кумакҳои ҷониби ИА ба кишварҳои Осиёи Марказӣ дар сатҳи минтақавӣ ба Маркази таълимии Агентии назорати маводи нашъаовари назди Президенти ҶТ ва Маркази кинологӣ, ки бо дастгирии Барномаи Иттиҳоди Аврупо оид ба мусоидат ба идораи сарҳад дар Осиёи Марказӣ (БОМКА) таъсис дода шудааст, ташриф овард.
Зикр гардид, ки созмон додани Маркази таълимӣ барои омода намудани кинологҳо, парвариш ва омода сохтани сагҳои хизматӣ барои ошкор намудани маводи нашъаовар дар оянда барои баланд бардоштани самаранокии фаъолияти фаврӣ-ҷустуҷӯии кормандони агентӣ, дигар мақомоти ҳифзи ҳуқуқ ва сохторҳои қудратии Тоҷикистон ва идораҳои ҳаммонанди Афғонистон мусоидат хоҳад намуд.
Ба меҳмонон баромади намоишии сагҳои хизматӣ оид ба кофтуков ва ошкор намудани маводи нашъаовар дар махфигоҳи шартӣ пешниҳод шуд.