Агентии суғуртаи иҷтимоӣ ва нафақа: 2,2 млн. сомонӣ ба суратҳисоб бозпас гардонида шуд
Душанбе, 19.01.2016. (АМИТ «Ховар»).- Дар соли 2015 зимни санҷишҳои раванди таъйину пардохти нафақаҳо аз рӯи маъюбӣ дар раёсату шуъбаҳои Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон 770 ҳолати нодуруст таъйин ва бозҳисобӣ гардидани нафақаҳо ошкор шуд, ки аз ин дар 736 ҳолат ба маблағи 1216,6 ҳазор сомонӣ нафақа зиёд ва дар 34 ҳолат ба маблағи 32,3 ҳазор сомонӣ нафақа кам таъйин ва бозҳисобӣ карда шудааст. Дар баробари ин дар 22 ҳолат нодуруст пардохт гардидани кумакпулӣ барои дафн ошкор карда шуд, ки маблағи пардохшуда аз ин ҳисоб 19 ҳазор сомониро ташкил менамояд. Ҳамчунин зимни санҷиши ҳисоб ва пардохти кумакпулиҳои иҷтимоӣ дар корхонаву ташкилот ба маблағи 192,4 ҳазор сомонӣ нодуруст хароҷот гардидани маблағҳои суғуртаи давлатии иҷтимоӣ ошкор шуд.
Зимни санҷишҳо бо тартиби муқаррарнамудаи қонунгузорӣ 702 ҳазор сомонӣ маблағ аз ҳисоби барзиёд таъйин, бозҳисобӣ ва пардохт гардидани нафақаҳо ва 19 ҳазор сомонӣ аз ҳисоби нодуруст пардохт шудани кумакпулӣ барои дафн ва 120 ҳазор сомонӣ аз ҳисоби нодуруст таъин ва пардохти кумакпулиҳои иҷтимоӣ дар корхонаҳо, ки дар маҷмӯъ 841 ҳазор сомониро менамояд, ба буҷети суғуртаи иҷтимоӣ ва нафақа барқарор карда шуданд.
Инчунин зимни санҷишҳо аз ҳисоби нафақагироне, ки ба дигар давлатҳо кӯчида рафтаанд ё дар ҷойи истиқомат дарёфт нагардидаанд ва нафақагирони фавтида 2,2 млн. сомонӣ ба суратҳисобӣ агентӣ бозпас гардонида шуд.
«СУҒД — ЧОРРОҲАИ РОҲИ БУЗУРГИ АБРЕШИМ». Дар Суғд форуми сеюми байналмилалӣ доир мегардад
ИМРӮЗ — РӮЗИ УМУМИҶАҲОНИИ САЛОМАТӢ. Шоҳсутуни асосии саломатӣ варзиш, ғизои хуб ва хоб аст
«ЯКҶОЯ БА СӮИ САЛОМАТӢ…». Ба сокинони шаҳри Душанбе хизмати ройгони тиббӣ расонида шуд
Дар Коллеҷи информатика ва техникаи компютерии шаҳри Душанбе озмоишгоҳи физика ифтитоҳ шуд
Бахшида ба Рӯзи кормандони мақомоти иҷро ҳамоиши тантанавӣ баргузор шуд
КАДБОНУИ БЕҲТАРИН. Дар Хуҷанд даври шаҳрии ин озмуни ҷумҳуриявӣ доир гардид
Дар Тоҷикистон «Ҳафтаи саломатӣ ва ҳуқуқи инсон» баргузор мегардад
Дар ноҳияи Ёвон бинои нави Суди ноҳия ба истифода дода шуд
Дар шаҳру ноҳияҳои Суғд Фестивали ҷумҳуриявии дӯстии ҷавонон идома дорад
Ҳамкории Тоҷикистон ва Иттиҳоди Аврупо дар самти ҳуқуқи инсон тақвият меёбад
СОЛИ ТАҚВИЯТУ ТАҲКИМИ ХУДШИНОСИВУ ХУДОГОҲИИ МИЛЛӢ. Доир ба масоили ҳувияти миллӣ ва амнияти давлат ҳамоиши илмӣ баргузор шуд
Оид ба татбиқи нақшаи амали Стратегияи миллии фаъолгардонии нақши занон дар Тоҷикистон конференсия доир шуд
