«Истиқлол»: Бозиҳои таҷрибавӣ бо дастаҳои футболи Ӯзбекистон

Душанбе, 13.01.2016 (АМИТ «Ховар»). — Клуби футболи «Истиқлол» дар доираи тайёриҳо ба мавсими нави соли 2016 боз бо як дастаи машҳури футболи Узбекистон- «Насаф»-и Қаршӣ рӯзи 25 январ бозии дӯстона барпо менамояд. «Насаф» соли 2011 соҳиби Ҷоми Конфедератсияи футболи Осиё гардида, соли гузашта Ҷоми Узбекистонро ба даст овардааст ва иштирокдори мусобиқоти Лигаи чемпионҳои Осиё мебошад. Тавре ки пештар хабар дода будем, «Истиқлол» ҳамчунин рӯзҳои 19 ва 22 январ дар варзишгоҳи Академияи «Бунёдкор»- шаҳри Тошканд бо клубҳои «Алмалик ва «Нефтчӣ»-и Фарғона вориди майдон мешавад. Чемпиони чоркаратаи Тоҷикистон имрӯз дар як бозии таҷрибавӣ бо дастаи «Хуҷанд»-и Хуҷанд, ки дуввумин иштирокдори мусобиқаи Ҷоми КФО аз Тоҷикистон мебошад, қувва меозмояд.