Мукофотонии ҶДММ «Империя 55»

Душанбе, 12.01.2016. (АМИТ “Ховар”). — 9 январи соли равон дар Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон ҶДММ «Империя 55», аввалин ширкати миллие, ки тамғаи молии худ- «iam different»-ро берун аз кишвар аз тариқи низоми Мадрид дар якчанд давлатҳои дунё ба қайд гирифтааст, бо “Ифтихорнома” ва мукофотпулии муассиса сарфароз гардонида шуд.
Маросим дар доираи семинар-тренинг дар мавзўи «Интернет маркетинг: Ба пеш, ба сўи оянда», ки бо ташаббуси Корхонаи воҳиди давлатии «Клуби соҳибкорони ҷавон»-и Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ташкил шуд, баргузор гардид.
Дар чорабинии мазкур соҳибкорони ҷавон ва намояндагони ширкатҳои ватанӣ иштирок варзиданд.