Мусовии тими мунтахаби футзали Тоҷикистон бо Ӯзбекистон

Душанбе, 28.01.2016 (АМИТ «Ховар»). — Имрӯз дастаи мунтахаби футзали Тоҷикистон дар идомаи омодагӣ ба бозиҳои ниҳоии Ҷоми Осиё дидори дӯстонаи худро бо тими мунтахаби футзали Ӯзбекистон дар шаҳри Тошкент баргузор карда, натиҷаи мусовии 1 бар 1-ро комёб шуд. Ба голи задаи Нодир Элибоев дар дақикаи 7-ум Дилшод Саломов аз дастаи мунтахаби кишварамон ҷавоб дод. Боз як вохӯрии таҷрибавии ин дастаҳо пагоҳ баргузор мешавад.
Ёдрас мешавем, ки бозиҳои ниҳоии Ҷоми Осиё аз футзал аз 10 то 21-уми феврал дар шаҳри Тошканд ҷараён мегиранд ва дастаи мунтахаби Тоҷикистон дар гурӯҳи «С» бо тимҳои мунтахаби Таиланд(11-феврал), Ветнам(13-феврал) ва Тайбейи Чин(15-феврал) дар як гурӯҳ барои суъуд кардан ба бозиҳои минбаъда вориди рақобат мешавад.