Сохтмони Театри миллии тоҷик идома дорад

Душанбе, 26.01.2016 (АМИТ «Ховар»).- «Сохтмони Театри миллии тоҷик аз падидаҳои беҳтарини соли 2015 маҳсуб шуда, хишти нахустини он бо иштироки бевоситаи Президенти мамлакат Эмомалӣ Раҳмон гузошта шудааст»,- гуфт вазири фарҳанги ҶТ Шамсиддаин Орумбекзода дар нишасти матубуотии ин ниҳод.

Ба гуфтаи Орумбекзода ҳоло сохтмони бинои Театри миллии тоҷик бо суръат идома дорад ва дар назар аст тӯли 4-5 сол он  ба истифода дода шавад.

Ҳамчунин вазир бо таъкид илова намуд, ки бӯҳрони молиявии имрӯза ба кори сохтмон таъсир нарасонидааст ва он маблағҳое, ки барои кори сохтмон равона шудаанд, мақсаднок истифода мешаванд.