Коррупсионерҳо бо супоридани ҷаримаи сангин имкон доранд аз адои ҷазо озод гарданд
Душанбе, 10.02.2016.(АМИТ «Ховар»).- Палатаи поёнии Парлумони мамлакат ба Кодекси ҷиноятии Ҷумҳурии Тоҷикистон тағйиру иловаҳо ворид кард. Тибқи он шахсоне, ки бо ҷурми пора гирифтан ҷиноят содир намуда, дар муассисаҳои ислоҳии кишвар нигоҳ дошта мешаванд, бо супоридани ҷаримаи калон- 200 сомонӣ барои як рӯз имкон доранд аз адои ҷазо озод гарданд.
Илёс Идрисзода -муовини директори Агентии назорати давлатии молиявӣ ва мубориза бо коррупсияи ҷумҳурӣ, ки 10 феврал дар назди вакилони Парлумони мамлакат ҳадафи ворид намудани тағйиру иловаҳо ба Кодекси ҷиноятии Ҷумҳурии Тоҷикистонро тавзеҳ дод, гуфт, ки қонунгузории ҷиноятии кишвар барои содир намудани ҷиноятҳои дар моддаҳои 319 (гирифтани пора), 320 (додани пора) ва 321 (иғвои порадиҳӣ) ҷазои маҳрум сохтан аз озодиро ба сифати ҷазои асосӣ ва ҷазои маҳрум кардан аз ҳуқуқи ишғоли мансабҳои муайян ё машғул шудан ба фаъолияти муайянро ба сифати ҷазои иловагӣ муқаррар кардааст.
Идрисзода афзуд, ки таҳлили таҷрибаи тафтишотӣ ва судии ҷиноятии кишвар нишон медиҳад, ки барои ҷамъият хавфнок будани шахсони содиркунандаи ҷиноятҳои дар моддаҳои 319, 320 ва 321 -и Кодекси ҷиноятии кишвар пешбинишуда, баъди аз мансаби ишғолкарда озод ва ё аз ҳуқуқи ишғоли ин мансабҳо маҳрум кардани онҳо аз байн меравад. Дар ин замина таъйин намудани ҷазои маҳрум сохтан аз озодӣ ва нигоҳ доштани чунин шахсон дар муассисаҳои ислоҳӣ барои чунин ҷиноятҳо ба мақсад мувофиқ набуда, харҷи зиёди молиявиро аз буҷети кишвар тақозо менамояд. Татбиқи ҷазои ҷарима ба ин категорияи ҷиноятҳо ва дигар ҷиноятҳо нишон медиҳад, ки таъйини чунин ҷазо барои ислоҳи шахсони ҷиноятсодирнамуда ва пешгирии ҷиноятҳо мусоидат менамояд.
Тибқи қонунгузории ҷиноятӣ ҷазо бо мақсади барқарор намудани адолати иҷтимоӣ, ҷилавгирӣ аз содир намудании ҷиноятҳои нав ва ислоҳи маҳкумшудагон татбиқ карда мешавад.
Аз ин рӯ, дар санксияи моддаҳои 319, 320 ва 321- и Кодекси ҷиноятии Ҷумҳурии Тоҷикистон ҷазои ҷарима ба сифати ҷазои алтернативӣ ворид карда мешавад.
Онҳое, ки барои содир кардани ҷиноят алҳол маҳкум гардидаанд, имкони супоридани ҷаримаро барои як рӯзи маҳрум сохтан аз озодӣ дар ҳаҷми 200 сомонӣ- муодил ба панҷ нишондиҳанда барои ҳисобҳо доранд ва дар ҳолати супоридани ҷарима аз адои ҷазо озод карда мешаванд.
Инчунин дар моддаи 142 эзоҳ 1-и Кодекси ҷиноятии Ҷумҳурии Тоҷикистон тағйирот ворид карда шуд, ки тибқи он ҷавобгарии ҷиноятӣ нисбат ба шахсоне (фолбинҳо, ҷодугарҳо), ки бо роҳи фиреб аз ҳиссиёту бовари динии мардум истифода карда, ба кирдорҳои зиддиахлоқии хусусияти шаҳвонидошта даст зада, ҷиноят содир менамоянд ва Кодекси ҷиноӣ барои ин амал аз 3 то 7 сол ҷазо муайян кардааст, бо супоридани ҷарима -200 сомонӣ барои як рӯз имкон доранд аз адои ҷазо озод гарданд.








Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Эҳтиром ба Рӯзи Президент эҳтиром ба давлат, миллат, Истиқлолияти давлатӣ ва сулҳу ваҳдат аст
Китоби «Президент ва ниҳоди президентӣ дар Ҷумҳурии Тоҷикистон» рӯнамоӣ гардид
Дар Маҷлиси намояндагон бахшида ба Рӯзи Президенти Тоҷикистон ҳамоиш баргузор гардид
ДАР МЕҲВАРИ СУЛҲ, ВАҲДАТ ВА СОЗАНДАГӢ. Мулоҳизаҳо оид ба рисолати таърихии Пешвои миллат муҳтарам Эмомалӣ Раҳмон
Раиси Маҷлиси намояндагон бо Сафири Беларус дар Тоҷикистон вохӯрӣ намуд
Дар иҷлосияи Маҷлиси намояндагон ба якчанд қонун тағйиру иловаҳо ворид гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Файзалӣ Идизода бо Аҳмад бин Муҳаммад Ал-Ҷарвон ба таври маҷозӣ вохӯрӣ намуд
Рустами Эмомалӣ аз шаҳри Тошканд ба шаҳри Бухоро ташриф оварданд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд






