Ошкор гардидани қариб 160 миллион сомонӣ зарари молиявӣ аз сӯи Палатаи ҳисоб
Душанбе, 09.02.2016.(АМИТ «Ховар»).- Кормандони Палатаи ҳисоби Ҷумҳурии Тоҷикистон дар соли сипаришуда зимни гузаронидани беш аз 400 санҷиши аудиторӣ дар вазорату идораҳо, корхонаю бонкҳо ва дигар субъектҳои хоҷагидори кишвар наздики 160 миллион сомонӣ зарари моливиро ошкор намуданд, ки он дар қиёс ба соли 2014 қариб 90 миллион сомонӣ зиёд аст.
Дилмурод Давлатзода, раиси Палатаи ҳисоби кишвар 9 феврал дар ҷараёни нишасти матбуотӣ ба хабарнигорон гуфт, ки аз маблағи умумии ошкоргардида, ки 159 миллиону 557 ҳазор сомониро ташкил медиҳад, беш аз 12 миллион сомонӣ хароҷоти ғайриқонунии пулию молӣ, зиёда аз 5 миллион сомонӣ камомад ва тасарруфи воситаҳои пулию молӣ, наздики 11 миллион сомонӣ изофанависӣ дар корҳои таъмиру сохтмонӣ, беш аз 1 миллион сомонӣ зарар аз фурӯш ва иҷораи амволи давлатӣ, зиёда аз 52 миллион сомонӣ талафи воситаҳои пулию молӣ аз бесарусомонӣ, беш аз 74 миллион сомонӣ маблағи кам ҳисобгардида ва рӯйпӯшнамудаи андозҳо ва зиёда аз 3 миллион сомониро пардохт накардани суди саҳмияҳои давлатӣ ташкил медиҳад.
Дилмурод Давлатзода бештар ошкор намудани зарари молиявиро дар вазорату идораҳо, муассисаю корхонаҳо ва дигар субъектҳои хоҷагидори кишвар дар соли сипаришуда дар касбияту фаъолияти шаффофи мутахассисон ва таҳкими сохтори ин мақомоти олии назорати молиявии кишвар арзёбӣ кард.
Татбиқи лоиҳаи таҷдиди роҳи мошингарди Душанбе-Кулма баррасӣ гардид
«ITB Berlin 2026». Дар доираи намоишгоҳ ширкатҳои сайёҳии Тоҷикистон беш аз 20 шартномаи ҳамкорӣ ба имзо расониданд
Дар минтақаи ҷангалпарварии ноҳияи Рӯдакӣ зиёда аз 30 ҳазор бех ниҳол шинонида шуд
Дар водиҳои Тоҷикистон кишти картошка идома дорад
Дар шоҳроҳи Роғун — Нуробод зиёда аз 900 бех ниҳоли олуча ва дарахтони сояафкан шинонида шуд
«Стратегияи рушди саноат дар Ҷумҳурии Тоҷикистон барои давраи то соли 2030» мавриди амал қарор дорад
НИСОИ БУЛУНКӮЛ. Муаррифии фаъолияти зане, ки роҳбарии Истгоҳи ҳавосанҷиро дар ноҳияи Мурғоб бар уҳда дорад
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
