Машқҳои муштарак-кафили амният

Март 9, 2016 18:34

Душанбе, 09.03.2016. (АМИТ «Ховар»). — Дар асоси супориши Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ва тибқи Нақшаи муштараки маҷмўи чорабиниҳои асосии  Қувваҳои Мусаллаҳ барои соли 2016  дар ҳудуди вилояти Хатлон бо ҷалби сохтору мақомоти давлативу қудратии ин  гарнизон ҷамъомади мудофиаи ҳудудӣ, машғулиятҳои омодагии сафарбарӣ ва маҷмўи машқҳои муштараки амалиётӣ-стратегии зиддитеррористӣ, бо тирпаронии ҷангӣ баргузор мегардад, ки дар он наздики 50 ҳазор нафар ҷалб карда мешаванд.

Сардори маркази матбуоти Вазорати мудофиаи кишвар полковник Фиридун Маҳмадализода ба АМИТ “Ховар” иттилоъ дод, ки омодагӣ баҳри ташкилу ба роҳ мондани машқҳои муштарак аз 9-уми март оғоз гардида, чор марҳилаи асосии багузорӣ ва даври ниҳоии он аз 15 то 20-уми марти соли 2016 дар машқгоҳҳои ҳарбии “Ҳарбмайдон”, “Ҳомиён”, “Сумбула”, “Ҳалқаёр” ва “Лоҳур” пешбинӣ гардидааст.

Илова бар ин, дар доираи машқҳои мазкур, бори аввал Пойгоҳи 201-уми ҳарбӣ бо ҷалби қувва ва воситаҳои иловагии Ҳавзаи марказии ҳарбии Федератсияи Россия барои амалан санҷидани вазифаҳои ҷангӣ дар он ширкат менамоянд. Аз ин рў, ба маҷмуи машқҳои муштараки васеи низомӣ наздики 50 ҳазор нафар ҷалб гардида, аз ин шумора наздики  ду ҳазор нафарашонро хизматчиёни ҳарбии Қувваҳои Мусаллаҳи Федератсияи Россия ташкил медиҳанд.

Дар баробари ҷалби наздики 50 ҳазор ҳайати шахсӣ дар гарнизони Хатлон инчунин ба маҷмўи машқҳои муштараки амалиётӣ-стратегии зиддитеррористӣ беш аз 950 адад техникаҳои зиреҳпўши ҷангӣ, артиллериву автомобилӣ, 20 адад ҳавопаймоҳҳои ҷангиву нақлиётии бомбаандоз, қиркунанда, авиатсияи дурпарвоз, 12 адад чархболҳои мухталифи ҳарбиву нақлиётӣ ва дастгоҳҳои парвозкунандаи бесарнишин  истифода мегарданд.

Дар доираи баргузории машғулиятҳои омодагии сафарбарӣ ва ҷамъомади мудофиаи ҳудудӣ дар 25 шаҳру навоҳии гарнизони Хатлон ситод ташкил гардида, захираи эҳтиётии даъватшавандагон, шаҳрвандони дар қайди комиссариатҳои ҳарбӣ қарордошта, техникаҳои хоҷагии халқ ва дигар лавозимоте, ки барои баргузории маҷмўи ин чорабинии низомӣ заруранд, истифода мегарданд.

Ҷараёни баргузории тамоми амалиёти сохтору мақомоти ба машқҳо ҷалбгардида ва омӯзиши мавзўъҳои ба он пешбинишуда, аз ҷониби Ситоди генералии Қувваҳои Мусаллаҳи Ҷумҳурии Тоҷикистон идора карда мешавад.

Ҳадафи баргузории маҷмӯи машқҳои муштараки амалиётӣ- стратегӣ ва ҷамъомади мудофиаи ҳудудӣ, дар ҳудуди гарнизони Хатлон ин сайқал додани таҷрибаи ҳайати шахсии ширкаткунандагони машқҳо дар ташкили амалиёти муваффақонаи ҷангӣ, ҳамоҳангии сохторҳои низомии мамлакат дар сурати ба вуқўъ пайвастани хатарҳои эҳтимолӣ, санҷиши дурусти дастаҳои амалиётӣ-тактикӣ, вусъат додани қувва ва воситаҳои минтақаҳои мудофиаи ҳудудӣ, баланд бардоштани омодагии рўҳиву равонӣ, қобилияти ҷангиву ҷисмонӣ ва сафарбарии қўшунҳо дар самти доир кардани унсурҳои мухталифи ҷангии зиддитеррористӣ дар минтақаҳои сарҳадӣ, шароити дашту саҳро ва куҳистони ҳудуди ҷумҳуриро дар бар мегирад.

Март 9, 2016 18:34

Хабарҳои дигари ин бахш

Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд
Вазири адлияи Тоҷикистон дар ҷаласаи нуздаҳуми Шурои вазирони адлияи давлатҳои аъзои ИДМ иштирок намуд
АРТИШИ МИЛЛӢ НА ТАНҲО ҚУДРАТИ ҲАРБӢ, БАЛКИ РАМЗИ ВАҲДАТ АСТ. Андешаҳои Вазири мудофиаи Ҷумҳурии Тоҷикистон дар ин мавзуъ
Котиби Шурои амнияти Тоҷикистон дар Вохӯрии 20-уми котибони шуроҳои амнияти давлатҳои аъзои СҲШ дар Пекин иштирок намуд
Қочоқи калони маводи мухаддир дар сарҳад бо Афғонистон пешгирӣ карда шуд
Дар ноҳияи Мир Саид Алии Ҳамадонӣ қочоқи беш аз 90 кг маводи мухаддир пешгирӣ гардид
Дар Хатлон гурӯҳи ҷиноятии фаромиллӣ бо 102 кг маводи нашъаовар дастгир шуд
Юсуф Раҳмон дар ҷаласаи навбатии Кумитаи Котибони шуроҳои амнияти давлатҳои аъзои СААД ва Вохӯрии дуюми Котибони шуроҳои амнияти Осиёи Марказӣ-Русия иштирок намуд
Намояндаи Тоҷикистон дар ҷаласаи Кумитаи амнияти САҲА дар Вена иштирок намуд
Дар шаҳри Турсунзода 70 кг маводи нашъаовар мусодира карда шуд
Дар вилояти Хатлон тақрибан 179 кг маводи нашъаовар мусодира ва гурӯҳи муташаккили фаромиллии қочоқбарон боздошт гардид
Дар Қазоқистон ҷаласаи роҳбарони воҳидҳои криминалии вазоратҳои корҳои дохилии ИДМ баргузор гардид