Боздошти як шаҳрванд дар хатсайри Душанбе-Дубай
Душанбе, 19.04.2016/АМИТ «Ховар/. Шаҳрванди 48-солаи Ҷумҳурии Тоҷикистон С. З. А, ки ба соҳибкорӣ машғул будааст, дар «Фурудгоҳи байналмилалии Душанбе» аз ҷониби кормандони гумрук боздошт гардид. С.З. А мехост ба таври ғайриқонунӣ ҷавоҳироти тиллоиро, ки беш аз 500 грамм вазн дошт, зимни парвоз дар хатсайри Душанбе-Дубай-Деҳлӣ бо роҳи пинҳонӣ бо худ барад, вале ин амалаш аз ҷониби нозирони гумрук ошкор гардид.
Зимни гузаронидани муоинаи гумрукӣ ошкор шуд, ки ин шаҳрванд ду гарданбанди тиллоии занона- яке дорои овеза бо навиштаҷоти «PAMP SUISSE 100 g FINE GOLD 999,9-192245» ва тасвири расми зани асотири қадим ва дигаре дорои овеза бо шаш пластинкаи чоркунҷашакли гуногунҳаҷм дар бадан дорад.
Бо ин амалаш соҳибкор талаботи моддаҳои 11-13 Кодекси гумруки Ҷумҳурии Тоҷикистонро вайрон намудааст. Шаҳрванд С.З.А сабаби огоҳ накардани содироти молро ба хориҷи кишвар ба надонистани қонунгузории гумрукӣ рабт дод.
Дафтари матбуоти Хадамоти гумрук иттилоъ медиҳад, ки нисбат ба ин амали соҳибкор парвандаи маъмурӣ боз гардида, он барои баррасӣ ба суд фиристонида шуд.
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ вориди шаҳри Тошканд гардиданд
Имрӯз дар шаҳри Душанбе борон меборад
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
