Бозгашти гӯштингирони ҷавони тоҷик аз Санкт-Петербург бе медал
Душанбе, 19.04.2016 /АМИТ «Ховар/. Варзишгарони тоҷик дар Ҷоми Аврупо оид ба дзюдо байни навҷавонони то 21-сола, ки рӯзҳои 16-17 апрел дар шаҳри Санкт-Петербурги Русия бо ширкати 346 варзишгар (220 мард ва 126 зан) аз 22 кишвар баргузор шуд, ноком шуданд.
Ёдовар мешавем, ки Тоҷикистонро дар ин мусобиқа 14 варзишгар (13 писару 1 духтар) намояндагӣ карданд, вале медал ба даст оварда натавонистанд. Се нафари онҳо натиҷаҳои нисбатан хубтар нишон доданд.
Раҳматуллобек Фарҳодов дар вазни то 73 кило ва Темур Раҳимов дар вазни то 100 кило ҷойҳои ҳафтумро соҳиб шуданд. Гӯштингирони дигари тоҷик дар даврҳои муқаддамотӣ шикаст хӯрданд.
Дар ҳисоби умумидаставӣ тими мунтахаби Ҷопон бо касби 9 медали тилло ва 2 медали нуқра ҷойи аввалро гирифт. Тими мунтахаби Русия бо касби (3- 10-8) ҷойи дувум ва дастаи мунтахаби Фаронса бо касби (2-1-5) сазовори ҷойи севум шуданд.
Дастаи мунтахаби Тоҷикистон бо як ҷойи панҷум ва ду ҷойи ҳафтум дар зинаи 11-ум қарор гирифт.
Созмони озуқаворӣ ва кишоварзӣ: Тоҷикистон дар сатҳи 95 фоиз худро бо орд таъмин менамояд
Имсол кирмакпарварони ноҳияи Ёвон 21 тонна пилла супориданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Сокинони минтақаи Рашт ба зарардидагони офати табиии шаҳри Кулоб кумак расониданд
МегаФон Тоҷикистон: боз панҷ «Устоди алоқа»!
Доир ба нақши Президенти Тоҷикистон дар рушди забони давлатӣ силсилавохӯриҳо баргузор мегарданд
Имрӯз дар баъзе шаҳру ноҳияҳои Тоҷикистон борон меборад
Дар Балҷувон иқдоми «300 рӯзи ободонӣ» эълон гардидааст
Дар ноҳияи Ҷалолиддини Балхӣ нақшаи истеҳсоли пилла барзиёд иҷро гардид
Имрӯз дар баъзе ноҳияҳои Тоҷикистон борони бошиддат меборад
«МАЛАКАҲОИ КАСБӢ». Дар Душанбе даври дуюми ин фестивали ҷумҳуриявӣ доир шуд
