Намоиши китобҳои тозанашр дар Китобхонаи марказии илмии ба номи Индира Гандии АИ ҶТ
Душанбе, 20.04.2016. /АМИТ “Ховар”/. Имрӯз дар Китобхонаи марказии илмии ба номи Индира Гандии Академияи илмҳои Ҷумҳурии Тоҷикистон намоиши китобҳои тозанашри Сарредаксияи илмии «Энсиклопедияи Миллии Тоҷик» доир гардид.
Бино ба иттилои Шервони Умриддин, котиби матбуотии Академияи илмҳои Ҷумҳурии Тоҷикистон дар чорчӯбаи вусъат бахшидан ба муносибатҳои пажӯҳишию таҳқиқотии Академияи илмҳои Ҷумҳурии Тоҷикистон бо ниҳодҳои дигари илмию фарҳангии кишвар китобҳои дар солҳои 2015-2016 ба табъ расидаи Муассисаи давлатии Сарредаксияи илмии «Энсиклопедияи Миллии Тоҷик» дар Китобхонаи марказии илмии ба номи Индира Гандии Академияи илмҳои Ҷумҳурии Тоҷикистон ба маърази намоиш гузошта шуданд.
Дар намоиши китобҳои тозанашр гузориши директори Китобхонаи марказии илмии ба номи Индира Гандии Академияи илмҳои Ҷумҳурии Тоҷикистон Шодимуҳаммади Сӯфизода “Оид ба ҳамкории судманду муфиди илмӣ миёни Академияи илмҳои Ҷумҳурии Тоҷикистон ва Сарредаксияи илмии «Энсиклопедияи Миллии Тоҷик» ба хотири таҳким ва тавсеаи ҳарчи беҳтар ва бештари муносибатҳои ду ниҳод маърӯзаи илмӣ кард.
Зикр шуд, ки созмон додани ин намоиш василаест барои ҳарчи бештар ҷалб намудани олимони тоҷик барои ҳамкории ҳамаҷонибаву созанда бо дигар ниҳодҳои илмию таълимӣ ва фарҳангии кишвар.
Осори ба намоиш даромада аз лиҳози муҳтаво арзишманд буда, мавриди таваҷҷуҳи хоси аъзои китобхона қарор дорад.
Имрӯз дар ноҳияҳои алоҳидаи Тоҷикистон чангу ғубор ба амал меояд
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
DEEPFAKE ҲАМЧУН ТАҲДИДИ НАВИ АМНИЯТИ ИТТИЛООТӢ. Назари мутахассис дар ин мавзуъ
«МЕГАФОН ТОҶИКИСТОН»: Ду роҳи ҳал барои истифодабарандагони интернет
АМНИЯТИ ЗЕҲНИ СУНЪӢ ВА ДУРНАМОИ РУШДИ ОН ДАР ТОҶИКИСТОН. Мутахассис ин мавзуъро шарҳ медиҳад
