Директори оромгоҳи Хован ба пулис иқрор шуд, ки қафқозиҳоро барои муноқиша даъват кардааст

Душанбе, 20.05.2016/АМИТ Ховар/. Дар ҷаласаи судӣ оид ба парвандаи қазияи оромгоҳи Хован кормандони пулис тасдиқ карданд, ки директори собиқи он Юрий  Чабуев худаш ба мардуми Қафқози Шимолӣ барои кумак дар «ҳалли масъалаи муҳоҷирон» муроҷиат кардааст, иттилоъ медиҳад  «Интерфакс.
Хотиррасон мешавем, ки 14 май, баъди қазияи оромгоҳи Хован, ки боиси марги се шаҳрванди Тоҷикистон ва ҷароҳат бардоштани 23 тани дигар шудааст, Чабуев аз вазифаи худ барканор шуд ва  сипас чеҳраи  парвандаи ҷиноятӣ гардид.
19 май баъди бозпурсии полис маълум гардид, ки Чабуев худаш барои ҳалли масъалаи «хориҷ намудани муҳоҷирони ғайриқонунӣ» ба қафқозиҳо муроҷиат намудааст.
Хотиррасон мешавем, ки дар аввал ин қазия дар ВАО ҳамчун низоъ дар пояи миллӣ пешниҳод гардид, вале дертар фарзияи молиявӣ, паҳн  гардид. Ҳамин тариқ, маълум шуд, ки коргарони оромгоҳ асосан  муҳоҷирони  кишварҳои Осиёи Марказӣ буда,  маҷбур шудаанд барои пайдо кардани ҳуқуқи кор ба  роҳбарият ҳақмузд диҳанд ё маблағи мушаххас пардозанд.
Вақте ки онҳо саркашӣ карданд, Чабуев барои ҳалли ин мушкилот ба қафқозиҳо рӯ овард.