Ҳимояи манфиатҳои миллӣ, таҳкими истиқлолияти сиёсӣ ва масоили консептуалии рушди давлатдорӣ дар шароити ҷаҳонишавӣ

Душанбе, 31.05.2016. /АМИТ «Ховар»/. Имрӯз, 31  май дар Академияи илмҳои Ҷумҳурии Тоҷикистон Конфронси илмӣ — амалии ҷумҳуриявии Ҳимояи манфиатҳои миллӣ, таҳкими истиқлолияти сиёсӣ ва масоили консептуалии рушди давлатдорӣ дар шароити ҷаҳонишавӣ баргузор гардид.
Директори  Институти фалсафа, сиёсатшиносӣ ва ҳуқуқи ба номи А.Баҳоваддинови АИ ҶТ, доктори илмҳои сиёсатшиносӣ, профессор Муҳаммад Абдураҳмон Наврӯз дар мавзӯи Истиқлоли сиёсӣ- таъмини пирӯзии миллат, мудири шуъбаи сиёсатшиносии ИФСҲ АИ ҶТ, доктори илмҳои фалсафа Р.Ҳайдаров дар мавзӯи НБО — и Роғун ҳамчун омили геополитикии таъмини сулҳу субот дар Осиёи Марказӣ, мудири шуъбаи таърихи давлат ва ҳуқуқ, доктори илмҳои ҳуқуқ И.Буриев дар мавзӯи Масоили таърих, таъриф ва унсурҳои давлатдорӣ дар илми ҳуқуқ, муовини раиси Суди конститутсионии Ҷумҳурии Тоҷикистон, номзади илмҳои сиёсӣ Каримзода Карим Мазие дар мавзӯи Истиқлолиятхоҳӣ ва давлатдории миллӣ маърӯза карданд.
Кори конфронс дар бахшҳои фалсафаю сиёсатшиносӣ ва давлату ҳуқуқ идома ёфта, олимону унвонҷӯён бо муаррифӣ намудани манфиатҳо аз аҳамияти бузурги пирӯзии Истиқлолияти давлатӣ ёдовар гардиданд. Ҳамчунин вобаста бо авзои сиёсии Осиёи Марказӣ дар иртибот бо омилҳои геополитикӣ ҳифз ва комил гардидани андешаҳои сиёсиву фалсафӣ баррасӣ шуданд.