Ронандагони мошинҳои мусофирбар аз сафар ба Хоруғ худдорӣ намоянд
Хоруғ, 13.05.2016.2016 /АМИТ «Ховар»/. Ситоди ҳолатҳои фавқулодаи Вилояти Мухтори Кӯҳистони Бадахшон аз ҳамаи ронандагони мошинҳои мусофирбари самти Душанбе-Хоруғ даъват мекунад, ки ба иллати баста будани роҳи Душанбе-Хоруғ аз сафар ба пойтахти кишвар худдорӣ кунанд. Ин роҳи мошингард бар асари боронгарии шадиди рӯзҳои 11 ва 12 уми май дар километри 291, мавзеи Гулдараи ҷамоати Нулванди ноҳияи Дарвоз дар масофаи 20 метр комилан вайрон шуд. Ба гуфтаи навбатдори ситод Мансурхон Додихудоев паҳнои роҳи тахрибшуда 12 метр ва чуқурияш 20 метр мебошад. Роҳсозон аз ду тараф ба барқарор кардани роҳ машғуланд, вале боришот ҳанӯз ҳам ба кори муътадили онҳо халал мерасонад.
Навбатдори ситод гуфт, ки борони сел ҳамчунин се манзили сокинони деҳаи Зинги ҷамоати деҳоти Қалъаи Хумро пурра вайрон кард. Ҳашт сар моли калони шохдор, 90 сар моли майда ва 6 мошини сабукрав зери сел монданд.
Ҳамаи сокинони зарардида ба макони амн кӯчонида шуданд ва бо манзили муваққатӣ, ғизо ва асбобу анҷоми зарурӣ таъмин шуданд.
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
Имрӯз дар водиҳои Тоҷикистон ҳаво то 35 дараҷа гарм мешавад
Дар шаҳри Душанбе ҳашари экологии «Тозагии маҳал» гузаронида шуд
Дар Остона ҷаласаи намояндагони аршади Саммити Осиёи Марказӣ-Ҷумҳурии Корея баргузор гардид
Имрӯз дар шаҳри Душанбе ҳаво то 39 дараҷа гарм мешавад
