Ҷамъбасти марҳалаи аввали бозиҳо дар Лигаи олӣ
Душанбе, 20.06.2016 /АМИТ «Ховар»/. Дирӯз бо се бозии мавқуфгузоштаи даври 8-уми марҳалаи аввали Чемпионати мамлакат миёни дастаҳои Лигаи олӣ ба поён расид. Чемпиони феълии Тоҷикистон «Истиқлол»-и Душанбе дар дидори худ бо КМВА «Помир» бо душворӣ ба ғалабаи 7-ум ноил шуд. Дар нимаи аввали вохӯрӣ Манучеҳр Ҷалилов бо голи 10-уми худ дар мавсими имсола ҳисобро боз кард ва баъди баробар кардани натиҷа аз ҷониби Фирдавс Чақалов, ҳимоятгари «истиқлолиҳо» Сиёвуш Асроров, ки аввалин голи мавсими соли 2016-ро ба самар расонида буд, бо голи охирини марҳалаи аввал бозиро ба нафъи «Истиқлол» бо натиҷаи 2:1 ҷамъбаст кард.
Дар ин рӯз бозии марказии давр байни дастаҳои «Хайр» ва«Ҳосилот» бо натиҷаи мусовии 1:1 анҷом ёфт. Вохӯрии байни дастаҳои «Хуҷанд» бо «Барқчӣ» низ бо ҳамин ҳисоб хотима ёфт.
Ба ҳамин тартиб дар ҷамъбасти марҳалаи аввал ҷадвали раддабандии дастаҳо чунин шакл гирифт:
| Б | Ғ | М | Б | Т/т | И | ||
| 1 | «Истиқлол» (Душанбе) | 9 | 7 | 2 | 0 | 29-10 | 23 |
| 2 | «Ҳосилот» (Фархор) | 9 | 4 | 4 | 1 | 13-9 | 16 |
| 3 | «Вахш» (Қурғонтеппа) | 9 | 4 | 2 | 3 | 15-15 | 14 |
| 4 | «Баркчӣ» (Душанбе) | 9 | 4 | 2 | 3 | 13-13 | 14 |
| 5 | «Регар-ТадАЗ» (Турсунзода) | 9 | 4 | 1 | 4 | 17-11 | 13 |
| 6 | КМВА «Помир» (Душанбе) | 9 | 4 | 1 | 4 | 12-9 | 13 |
| 7 | «Хуҷанд» (Хуҷанд) | 9 | 4 | 1 | 4 | 9-15 | 13 |
| 8 | «Хайр» (Ваҳдат) | 9 | 3 | 4 | 2 | 14-7 | 13 |
| 9 | «Парвоз» (Бобоҷон Ғафуров) | 9 | 1 | 2 | 6 | 7-17 | 5 |
| 10 | «Равшан» (Кӯлоб) | 9 | 0 | 1 | 8 | 8-31 | 1 |
Нишонзани беҳтарини марҳалаи аввал Манучеҳр Ҷалилов(«Истиқлол») ба дарвозаи ҳарифон 10 тӯб задааст. Агблей Ҷонес(«Хайр»,8 ), Ромиш Ҷалилов(«Регар-ТадАЗ», 6) ва Аҳтам Ҳамроқулов(«Вахш»,5) ӯро пайгирӣ мекунанд.
Марҳалаи дуввуми Чемпионати мамлакат баъди якуним моҳ, 6-7 август бо бозии даври 10 шурӯъ мегардад.
Дастаи мунтахаби Тоҷикистон дар Чемпионати Осиё оид ба ҷудо дар Чин иштирок мекунад
Дар Бадахшон беҳтаринҳо дар гӯштин, волейбол ва дави наврӯзӣ муайян гардиданд
Ғолибони Шоҳҷоизаҳои Мусобиқаи гӯштини миллӣ (гӯштингирӣ) дар деҳаи Пушинги ноҳияи Данғара муайян шуданд
35 медали паралимпичиёни тоҷик бахшида ба 35-солагии Истиқлоли давлатӣ дар Фестивали байналмилалӣ дар шаҳри Сочии Русия
МУСОБИҚАИ АСПДАВОНӢ. Ин бозии миллӣ аз ҷумлаи расму ойинҳои Наврӯз аст
Дастаи мунтахаби олимпии Тоҷикистон (U-23) аввалин пирӯзиашро дар мусобиқаи байналмилалӣ дар Ҳиндустон ба даст овард
Дастаи мунтахаби наврасони Тоҷикистон (U-17) бо дастаи Чин бозиҳои дӯстона анҷом дод
Мадина Қурбонзода ва Абубакр Шеров соҳиби шоҳҷоизаҳои Мусобиқаи гӯштини миллӣ (гӯштингирӣ) дар ноҳияи Данғара шуданд
Мутахассиси беларусӣ ба ситоди мураббиёни дастаи мунтахаби Тоҷикистон оид ба футбол ҳамроҳ шуд
ФЕСТИВАЛИ БОЗИҲОИ МИЛЛИИ ВАРЗИШӢ. Дар он зиёда аз 50 намуд бозиҳои миллӣ намоиш дода мешаванд
Дастаи мунтахаби Тоҷикистон оид ба футбол машқҳои дастҷамъиро дар Душанбе оғоз кард
«DUSHANBE GRAND SLAM 2026». Аз 1 то 3 май дар Душанбе Мусобиқаи байналмилалӣ оид ба ҷудо доир мешавад
