Дар Вазорати нақлиёт мавзӯоти вобаста ба боркашониву мусофирбарӣ миёни Тоҷикистону Латвия баррасӣ гардиданд
Душанбе, 10.06.2016 /АМИТ «Ховар»/. 7- 8 июни соли равон машварати кории ҳайати кормандони соҳаи нақлиёти Ҷумҳурии Тоҷикистон бо сарварии Қурбон Саидов, сардори Раёсати нақлиёти рӯйизаминӣ ва директори бахши Вазорати алоқаи Ҷумҳурии Латвия Таливалдис Вентиранс баргузор шуд. Дар ин бора аз Вазорати нақлиёти Ҷумҳурии Тоҷикистон хабар доданд.
Дар машварат масоили табодули иттилоот аз иҷрои вазифаҳои ҷаласаи пешинаи дар соли 2015 баргузоршуда баррасӣ гардид. Ҷонибҳо аз ҳамкории пурсамар дар соҳаи нақлиёти автомобилӣ изҳори қаноатмандӣ намуда, тасмим гирифтанд, ки дар доираи қарордоди байниҳукуматӣ дар оянда низ ин гуна алоқаю ҳамкориро таҳким хоҳанд бахшид. Аз ҷониби нақлиётчиёни ватанӣ зикр карда шуд, ки айни ҳол масъалаи ташкили логистикаи электронӣ мавқеи имтиёзноки нақлиётӣ эътироф шуда, ин амал дар алоқаи оянда хидмати босазо анҷом хоҳад дод. Масъалаи дарёфти раводид барои кормандони соҳаи нақлиёт низ содаву осонтар гардонда мешавад.
Намояндагони ҷониби Латвия изҳори таассуф карданд, ки ҳамлу нақли байниҳамдигарии ду кишвар тамоюли коҳишёбӣ дошта, соли оянда бояд афзоиши он таъмин гардад. Ҳалли мавзӯоти дигари вобаста ба боркашониву мусофирбарӣ низ мавриди омӯзиш ва муҳокима қарор дода шуданд.
Дар хотимаи ҷаласаи машваратӣ санади ҳамкорӣ аз ҳар ду ҷониб ба имзо расид.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
